Од УХМР известуваат дека денес времете ќе биде променливо облачно, од наутро во западните, а потоа и во северните делови ќе има повремен локален дожд, а на планините снег. Ќе дува умерен до засилен северен ветер (понекаде со брзина од над 70 км/час). Ветерот ќе биде најизразен долж пошироко Повардарие и на повисоките места. Минималната температура ќе биде во интервал од 0 до 6, а максималната ќе достигне од 9 до 17 степени.

Во Скопје променливо облачно од претпладне со повремен дожд кој до крајот на денот ќе престане. Минималната температура ќе се спушти до 2, а максималната ќе достигне до 11 степени.

Во недела ќе се задржи променливо облачно и ќе биде постудено преку денот со услови за слаб дожд во југозападните делови. Дневните температури од понеделник благо ќе се покачуваат, а утринските ќе се задржат во интервал од најчесто неколку степени под нулата во повеќето места, па се до 3 до 4 степени степени на југоистокот. Во вторник и среда ќе има повремени врнежи од дожд, а на планините од снег.