Преку реализирање на проектот за рано откривање пожари и нивно движење за превенција и справување со катастрофи „еФИДАР“ (eFIDAR), со финансиска помош од ИНТЕРРЕГ ИПА Програма за прекугранична соработка помеѓу Република Грција – Република Северна Македонија, 2014 -2020, денеска во Центарот за управување со кризи (ЦУК) беше реализиран прием на теренско возило опремено со информатички комуникациски технологии (ИКТ) за ноќни операции. Врз основа на надлежностите и задачите како и следење на состојбите со пожари возилото, е планирано да биде поврзано со дроновите и Командниот центар во Струмица (преку GPS).
Општата цел на проектот е ефикасно откривање и управување со шумски пожари во прекуграничната област преку соодветни алатки (ИКТ) со цел зголемување на подготвеноста како и размена на практики меѓу двете земји.
Развојот и имплементацијата на ИКТ системи за ефикасно рано откривање на шумски пожари, со зголемена прецизност, намалување ниски стапки на лажни аларми и способност за 24/7 работа ќе го покаже потенцијалот на ваквата иновативна технологија што ќе придонесе кон рано предупредување за ризик од катастрофи од шумски пожари.
