На територијата на општина Долнени активни се следните пожари:
- Кај с.Зрзе каде гори во два крака и тоа едниот кон с.Рилево, а вториот кон с.Сливје. Опожарена е ниска вегетација и деградирана шума. Интервенираат ТППЕ Прилеп со 14 пожарникари и 4 ПП возила и ЈП Национални шуми подружница „Црн Бор“ – Прилеп со 4 вработени со 1 теренско возило. Во текот на денот интервенирале и 2 воздухоплови на Дирекцијата за Заштита и Спасување.
Вчера во попладневните часови пожарот се приближил на околу 200 метри од првите куќи во с.Рилево, поради што во гаснењето се вклучило и месното население.
- Во атарот на с.Кошино и истиот се шири во правец на с.Сланско (опш.Македонски Брод), каде гори ниска вегетација и деградирана шума. Интервенираат ТППЕ Прилеп со 6 пожарникари и 2 ПП возила.
- Од вчера активен е пожар на сува трева во атарите на селата Костинци и Зрзе, каде интервенираат ТППЕ Прилеп со 5 пожарникари и 1 ПП возило;
Активен пожар на сува трева и нискостеблеста шума во с.Бељаковце, истиот се шири и во правец на с.Стрезовце. Интервенираат ТППЕ Куманово, со 8 пожарникари и 2 ПП возила, ТППЕ Старо Нагоричане со 8 пожарникари и 2 ПП возила, како и 3 лица од Црвен Крст.
Активен пожар во атарот на с.Долна Ѓоновица. Опожарени се околу 30 ха дабова шума, ниска шума, ливади и грмушки. Во текот на денот интервенирале ТППЕ Гостивар со 3 пожарникари и 1 ПП возило и 5 вработени во ЈП Национални Шуми, подружница Гостивар. Пожарот бил ставен под контрола, по што во вечерните часови екипите се повлекле од терен. Во текот на ноќта, дежурни останале 2 вработени од ЈП НШ.