“Да ги направиме градовите отпорни 2030” (Making Cities Resilient 2030 (MCR2030) претставува иницијатива за подобрување на локалната отпорност преку активности и мерки за споделување на знаења и искуства, воспоставување на мрежи за соработка, обезбедување на техничка и експертска поддршка, поврзување на релевантните служби од од централната и локалната власт, градење на партнерства за соработка, како и други активности за намалување на ризиците од катастрофи кои имаат негативни влијанија за животот и здравјето на граѓаните, материјалните добра, инфраструктурата и економскиот развој на општините.
Препознавајќи ги овие можности и придобивки, општините Гази Баба, Ѓорче Петров и Охрид се првите 3 општини кои во соработка со Центарот за управување со кризи превземаа конкретни чекори за приклучување на оваа иницијатива. За таа цел на 9 и 10 јуни 2024 година, со поддршка на УНДРР (Канцеларијата на Обидинетите нации за намалување на ризици од катастрофи за Европа и Централна Азија) беа одржани наменски работилници со цел да се согледа капацитетот и моменталните состојби на општината за исполнување на кретириумите и очекувањата од оваа Иницијатива.
На работилниците присуствуваа претставници од соодветните служби во рамките на општините Гази Баба, Ѓорче Петров и Охрид, претставници од Центарот за управување со кризи и тематски експерт од УНДРР. За време на работилниците беше одговорен сеопфатен Прашалник врз основа на кој се определува моменталната состојба, односно се мери нивото на отпорност на општината и се доделува соодветна фаза на достигнување, како појдовна основа за понатамошните активности.
Исто така, од страна на тематскиот експерт е изготвен опширен Извештај кој ги опфаќа сите тематски области кои беа предмет на анализа и евалуација. Со извештајот се дадени соодветни препораки кои во наредниот период треба да се претворат во конкретни активности и да се постигнат видливи резултати.
Со оваа реализација на активности општините Гази Баба, Ѓорче Петров и Охрид изразија подготвеност да се приклучат кон оваа иницијатива и практично се првите општини од Републиката кои официјално се приклучија на оваа глобална акција и со тоа заслужено се најдоа на објавените вести на Веб страната на УНДРР (North Macedonia take steps to enter the 2030s with greater resilience | UNDRR).
Повеќе активности во врска со Иницијативата MCR2030 се очекуваат од Септември оваа година.
North Macedonia take steps to enter the 2030s with greater resilience | UNDRR.