На ден 03.10.2023 година, РЦУК Кичево традиционално организираше крводарителна акција по повод 18 години од формирањето на ЦУК во просториите на Институтот за трансфузиона медицина – Кичево.
Оваа акција се спроведува 11-та година по ред во соработка со ОО Црвен Крст – Кичево и Институтот за трансфузиона медицина Кичево и беше отворена за сите граѓани кои сакаат да помогнат да се спаси нечиј човечки живот. Во крводарителната акција покрај учеството на вработени од РЦУК Кичево, се вклучија и голем број на вработени од различни инстиуции како РЕК Осломеј, ТППЕ Кичево, ДЗС ПО Кичево, вработени од приватниот сектор и невработени крводарители. Вкупно се собраа 20 единици крв од сите крвни групи, а три лица за првпат се запишаа во регистарот на крводарители, со што акцијата беше успешно завршена.
Вкупно осум вработени од ПО РЦУК Кичево земаа учество во крводарителната акција, а исто така активно учествуваа и во делот на приемот на дарителите и други активности како помош на вработените во ИТМ Кичево.
