Скопски регион
Поради излевањето на Маркова Река, поплавени се куќи, магацини и индустриски објекти во Студеничани, Батинци, Пинтија и Горно Лисиче. Состојбата е стабилизирана со намалено ниво на вода, а ЈКП Комунална хигиена интервенирала со чистење на речното корито. Мостот кај Љубош беше привремено затворен, но од 11:15 е пуштен за сообраќај по контрола, со планови за дополнително зацврстување.
Локални пријави и интервенции по општини:
Општина Аеродром: Пријавени поплавен магацин и оштетен коловоз на Булевар Кузман Јосифовски-Питу. Мостот меѓу Горно и Долно Лисиче е отворен само за лесни возила.
Општина Кисела Вода: Оштетени 110 пчелни семејства и сандаци кај Сепарација, поплавен мебелски салон на Булевар Борис Трајковски, и нанос на дрвена маса во каналите кај Драчево.
Општина Студеничани: Продолжени пријави за поплавени објекти во Батинци, вклучувајќи оштетен магацин.
Општина Чучер Сандево: Реката кај мостот кон кучевиштето не претставува опасност по проверка.
Општина Сопиште: Целосно поплавена куќа во селото Држилово со прекин на струја.
Општина Карпош: Пријави за опасно дрво на Улица Козле и пропадната шахта близу Црвен Крст.
Надлежните служби (ЕЛС, ЈП Паркови, ЈП Водовод) се вмешани за утврдување на штетите и преземање мерки. Се очекува состанок на општина Студеничани за дополнителни чекори.
Кумановски регион
Од водостопанство Куманово – Липковско поле известуваат дека во текот на вчерашниот ден со машина се расчистени насобраните дрва кај мостот во с. Јачинце
Велешки регион
РЦУК – Велес, известува дека добиена е пријава за излевање на река. Вардар во центарот на градот Велес, во близина на Мало Мовче. Висината на водата е надојдена до вторите повисоко поставени скали на кејот. На источниот брег во долниот дел на платформата на кејот има поставено црвена лента која треба да ги опоменува граѓаните да не се доближуваат. Известени се општина Велес за понатамошно постапување.