Активни пожари има во:
- Општина Македонски Брод, високо над с.Белица, во месноста „Аргулица“ под Солунска Глава на непристапен терен (каде што гори борова шума);
- Општина Штип, пожарот на планината Серта, атар на село Селце e изгаснат.
- Пожарот во атарите на селата Калапетровци и Кошево се уште е активен. На терен во моментов се присутни 5 пожарникари од ТППЕ-Штип и 4 вработени од ШС Серта-Штип. Уште една екипа од ТППЕ-Штип е упатена на местото на пожарот.
- Општина Крушево, кај селата Света и Бирино (дабова шума);
- Општина Чашка, месност „Горна и Долна Бабина Дупка“ (нискостеблеста шума);
- Општина Валандово, с.Пирава, месност „Бел Камен“ (ниска вегетација) и во
- Општина Струмица, кај с.Габрово (каде што горела ниска вегетација).
Утрово има известување за четири нови пожари во Скопско (два во Општина Ѓорче Петров и по еден во општините Петровец и Шуто Oризари – каде што се запалени отпадоци).
Вчера на дел од пожарите што загрозуваа села, се дејствуваше и со два противпожарни авион на ДЗС и со еден хеликоптер на МВР, а некаде покрај ПП тимови во одбрана на селата се вклучи и месно население, како на пример во Демирхисарско.