Во рамките на своите активности за намалување на ризиците од природни несреќи и катастрофи, на ден 08.04.2025 година во ОУ „ Кузман Јосифоски Питу “ Кичево ПО РЦУК Кичево реализира предавања на тема „Постапки на населението при елементарни непогоди“.
Пред почетокот на предавањeто Раководителот на ПО РЦУК Кичево Сузана Тасевска даде вовед на темата со истакнување на досегашната одлична соработка спроведувајки вакви предавањано со други видови на опасности и ризици. Раководителот ги запозна учениците со тактичко показни вежби за справување со пожари и евакуација на учениците, персоналот и сите затекнати луѓе во училиштата ОСУ Мирко Милески Кичево и ОУ Санде Штерјоски.
Предавањето го спроведе советникот Љупче Софрониевски со помош на помладиот соработник Мурат Зенку преку презентација изработена за оваа намена. Предавањето се спроведе со интерактивен пристап, со активно учество на присутните ученици. Посебна цел на предавањето беше учениците да се заинтересираат за истражување на опасностите предизвикани од пожарите во урбаните средини и со постапките за справување со истите, со користење на интернет и други извори.
За време на предавањето се презентираа постапките наведени во Уредбата за знаците за тревожење, начинот и процедурите за тревожење и постапките на населението, едукативни материјали од Противпожарниот сојуз на Македонија, како и едукативни видео материјали од Службата за интегрална сигурност на студентскиот центар од Риека, од проектот за намалување на ризици од природни несреќи на Република Србија и од училиштата од округот Паско од Флорида.