На ден 07.08.2023 година во 16:30 часот се појавил пожар во реонот на Овче Поле, наспроти фабриката за производство на месо и месни производи „МИК Св.Николе“ со кој била зафатена ниска вегетација и млада борова шума. Интервенирале ТППЕ Свети Николе со 8 пожарникари и 2 ПП возила, ДПД Свети Николе, вработени од ЈП Национални шуми ПЕ „Шумарство“ – Свети Николе. Поради силен ветар, пожарот бргу се проширил и на истиот подоцна во интервенцијата се приклучиле ТППЕ Велес со 5 пожарникари и 1 ПП возило, ТППЕ Штип со 4 пожарникари и 1 ПП возило, како и месно население со механизација. Пожарот е изгаснат во 21:20 часот и екипите се повлечени од терен, а според првичните проценки од ТППЕ Свети Николе, опожарени се околу 300 – 400 хектари.
ТППЕ Неготино, со 3 пожарникари и 1 ПП возило, од 14:00 до 18:00 часот, гаснеле запалена борова шума на површина од околу 1 – 2 хектари во атарот на с.Копришница (опш.Демир Капија).
ТППЕ Битола имала една интервенција поради запалена ниска вегетација во атарот на с.Карамани.
ТППЕ Струмица, со 4 пожарникари и 1 ПП возило, од 16:55 до 17:57 часот, гаснеле запалено стрниште, ниска вегетација и ѓубре во атарот на с.Водоча.
ТППЕ Куманово, во текот на изминатото деноноќи ги имала следните интервенции: Од 16:10 до 17:30 часот, со 2 пожарникари и 1 ПП возило, гаснеле запалена ниска вегетација на површина од околу 5 хектари во атарот на с.Војник. Од 20:25 до 21:45 часот, со 3 пожарникари и 1 ПП возило гаснеле запалено стрниште во атарот на с.Ваксинце. Имала и уште една помала интервенција.
ТППЕ Гостивар имала една интервенција поради запалена ниска вегетација кај с.Здуње.