Поради врнежите од дожд, вчера во текот на доцните попладневни и вечерните часови, дојдено е до зголемување на нивото на Маркова Река поради што истата е излеана преку мостот кај н.м.Љубош и низводно, поради што дојдено е до поплавување на неколку куќи, магацини и индустриски објекти во селата Студеничани и Батинци, како и кон Пинтија. Исто така пријавено е и поплавување на дел од бул.Борис Трајковски кај нас.Пинтија, каде исто така имало пријави за поплавени магацини. Интервенираат службите на ЕЛС Студеничани со локалните фирми, а исто така на терен има и представници од ЕЛС Кисела Вода.
Во текот на ноќта, на Единствениот број за итни повици 112 добиени се и пријави за поплавени куќи во Горно Лисиче (опш.Аеродром), каде интервенира ЕЛС Аеродром.
Исто така, на поплавените места интервенираат и БППЗ на град Скопје и Јавните претпријатија на град Скопје и ЕЛС.
АМСМ известува дека непроодни се локалниот пат с.Горно Лисиче према с.Долно Лисиче (опш.Аеродром) и првиот мост во с.Батинци (опш.Студеничани).
ЈСП Скопје, известуваат дека поради поплавите од Маркова река, автобусот со број 70 сообраќа до почетна/крајна станица Дризла и автобусот со број 33 преку населба Драчево во двете насоки.
Македонски железници известуваат дека железничкиот патнички и товарен сообраќај, од 22:50 часот е во прекин во правец на Лисиче и Драчево и обратно, додека патничкиот сообраќај се одвива преку станицата Трубарево.
РЦУК – Куманово, известува дека во 09:02 часот од Единствениот број за итни повици 112 добиена е пријава дека во с.Студена Бара (опш.Куманово) зголемено е нивото на река Пчиња и според пријавителот претставува опасност од поплава на неговиот приватен имот во кој има објекти и добиток (овци).
Исто така, во 15:26 часот од 112 добиена е пријава во која се наведува дека во с.Јачинце (опш.Куманово), надојдена е поголема количина на вода на река и има попречени дрвја на мостот.
Со овие информации, од страна на РЦУК Куманово известени се ЕЛС Куманово, АД Водостопанство “Кумановско Липковско поле“ и ДЗС Куманово за превземање на нивни понатамошни дејстивија.