За спроведување на мисијата за навремена реакција, ефикасност и соодветно искористување на ресурсите што се на располагање во случај на итна или кризна состојба, вработените на Центарот за управување со кризи годишно имаат над 100 интервенции низ Републиката. За полесно да одговорат на сите предизвици тие отсега имаат на располагање нов Land Rover Defender Hard Top N1 – убедлива комбинација на теренски способности, практичност и товарен простор.
Станува збор за поширок регионален проект за реализирање и имплементирање на дејност од јавен интерес. Новиот Land Rover Defender е отстапен на користење на ЦУК од страна на компаниите „Ауто Валис Дистрибјушн“ и „Аутомобили Гроуп“, регионалниот увозник заедно со дистрибутерот на возилата Jaguar и Land Rover.